الاثنين، 25 أغسطس، 2014

ابن الدايــــــــــــــــره - منتدي حكايه بنت



الدايــــــــــــــــره

الدايــــــــــــــــره
الدايــــــــــــــــره

ابن الدايره فى كل مكـــــــان فيكى يابلدى بقى عنـــــــــــــوان
يافطه قماش وورق مطبوع او ع الحيــــــــط او فى الجرنــان
رمز الحله ورمز النخــــــــله ياما رموز اشـــــــــــكال والــوان
ابن الدايـــــــره دا شكل عصامى كان جزار وقلب لمحـامى
بس ثقافته لايمكن تلغى دمه الحر وطبعه الحـــــــــــــامى
رشح نفسه واللى ينافسه يبقى اسير لقـــــانونه الدامى
وابن الدايره عشان جزار جاب صبى عالمه وطبله وطــــــار
على كام بلطجى من اللى ايديهم لو نزلت ع الحيط ينهار
وسط الشارع هتفو ا باسمه وتاريخه وجـــــــــــهده الجبار
نصبو شوادر ماالمال قــــــــادر اكل وكسوه وتل فلــــــــوس
يلا ياشاطر وانتى ياشاطره كل واشرب وادعى لابو الروس
ادلى بصوتك واكسب قوتك واعرف رجلك فين هتــــــــدوس
ماذا والا هتاكل عــــلقه او تخــــــــــــرج عريان بلبــــــــوص
روحت لعـــــــــالم رد وقالى زرعنا مر وارضـــــــــنا بايــــــره
سقراط شرب السم بخاطره بعد ماكشف الدنيا الجايــــره
ريح نفسك والقط نفسك مهما عملت المركب سايـــــــره
من غير زيطه الحسبه بسيطه سيبك م الافكار الثايـــــره
جهل وفقر وناس مكبــــــــــــــوته يبقى الناتج ابن الدايره

الدايــــــــــــــــره
الدايــــــــــــــــره

الدايــــــــــــــــره

0 التعليقات:

إرسال تعليق